Xidmət şərtləri (ictimai oferta)

1. Xidmətin mahiyyəti

Xidmət — Sifarişçinin seçdiyi şablon əsasında internet linki ilə açılan rəqəmsal dəvətnamənin yaradılması, qonaqların iştirak cavablarının toplanması və Sifarişçiyə şəxsi idarəetmə panelinin verilməsidir.

Paketlərin tərkibi saytın «Paketlər» bölməsində göstərilir və sifariş anında qüvvədə olan tərkib tətbiq olunur.

2. Qiymət və ödəniş

Qiymətlər Azərbaycan manatı (AZN) ilə, birdəfəlik ödəniş kimi göstərilir: Klassik — 25 AZN · Premium — 45 AZN · Royal — 75 AZN. Qonaq sayına görə əlavə ödəniş yoxdur.

Ödəniş Kapital Bank-ın təhlükəsiz ödəniş səhifəsində bank kartı ilə aparılır. Kart məlumatları İcraçıya ötürülmür və saytda saxlanılmır. Ödəniş bank tərəfindən təsdiqləndikdən sonra sifariş ödənilmiş sayılır.

3. Xidmətin göstərilməsi

Ödəniş təsdiqlənən kimi dəvətnamə avtomatik yaradılır; dəvətnamə linki və idarəetmə panelinin giriş məlumatları sifarişin nəticə səhifəsində dərhal göstərilir.

Sifarişçi dəvətnamənin mətn məlumatlarını panel vasitəsilə istənilən vaxt dəyişə bilər. Şablonun dizaynı (rənglər, animasiya, quruluş) dəyişdirilmir.

Dəvətnamə linki müddət məhdudiyyəti olmadan açıq qalır. Abunə və ya təkrar ödəniş tələb olunmur.

4. Sifarişçinin öhdəlikləri

Sifarişçi dəvətnaməyə daxil etdiyi məlumatların (adlar, tarix, məkan, mətn, şəkillər) düzgünlüyünə və üçüncü şəxslərin hüquqlarını pozmadığına görə cavabdehdir.

Qanunsuz, təhqiramiz və ya reklam xarakterli məzmun yerləşdirilməsi qadağandır; belə halda İcraçı həmin məzmunu gizlətmək hüququnu saxlayır.

Panel giriş məlumatlarının qorunması Sifarişçinin məsuliyyətindədir. Parolu paneldən dəyişmək mümkündür.

5. Geri qaytarma

Ödəniş alındığı halda dəvətnamə texniki səbəbdən yaradılmayıbsa və İcraçı bunu müraciətdən sonra 3 iş günü ərzində aradan qaldıra bilmirsə, ödəniş tam həcmdə geri qaytarılır.

Dəvətnamə yaradılıb Sifarişçiyə təqdim edildikdən sonra rəqəmsal xidmət göstərilmiş sayılır. Xidmətdə İcraçının səbəbindən yaranan və müraciətdən sonra 3 iş günü ərzində düzəldilməyən nasazlıq olarsa, Sifarişçi geri qaytarma tələb edə bilər.

Geri qaytarma müraciəti info@pro-tech.az ünvanına və ya WhatsApp (+994 99 369 53 33) vasitəsilə sifarişdəki ad və telefon göstərilməklə göndərilir. Təsdiqlənmiş geri qaytarma ödənişin edildiyi karta aparılır; vəsaitin karta çatma müddəti bankdan asılıdır.

6. Məsuliyyətin həddi

İcraçı qonaqların dəvətnaməni açıb-açmamasına, cavab verib-verməməsinə və tədbirin keçirilməsinə görə məsuliyyət daşımır.

İnternet provayderləri, mesajlaşma tətbiqləri və ya üçüncü tərəf xidmətlərinin (xəritə, taksi tətbiqləri) işində yaranan fasilələrə görə İcraçı məsuliyyət daşımır.

7. Şəxsi məlumatlar

Şəxsi məlumatların emalı «Məxfilik siyasəti» səhifəsində təsvir olunur: devet.pro-tech.az/mexfilik.

8. İcraçı haqqında məlumat

PROTECH SOLUTIONS GROUP MMC

Ünvan: Bakı şəhəri, Cəfər Xəndan küçəsi 54/53, AZ1108

E-poçt: info@pro-tech.az · Telefon / WhatsApp: +994 99 369 53 33